Dy nga të plagosurit e tërmetit që goditi Shqipërinë në mëngjesin e 26 nëntorit janë dërguar me avion drejt Italisë.

Të pranishëm në Rinas janë kryeministri i vendit, Edi Rama dhe ministrja e Shëndetësisë, Ogerta Manastirliu.

Është gjykuar që dy të plagosurit, të ndodhur në gjendje të rëndë duhet të marrin një ndihmë më të specializuar.

Deri më tani bilanci i viktimave të tërmetit katastrofik, që tronditi Shqipërinë mëngjesin e 26 nëntorit, me magnitudë 6.4 të shkallës Rihter, i ndjekur nga një sërë lëkundjesh të tjera të forta, është 49 të vdekur, 45 të shpëtuar dhe 750 të lënduar.