Kryeministri në detyrë, Albin Kurti sot gjatë vizitës në Suharekë ka folur edhe për procesin e dialogut me Serbinë, me çrast ka treguar se është në kontakt të vazhdueshëm me emisarin special të BE-së, Miroslav Lajçak.

Kurti tha se kalendari i dialogut, pra se kur do të fillojë, varet nga Brukseli.

“Jam në kontakt të rregullt me përfaqësuesin e BE-së. Natyrisht që ai tash është duke përgatitur fillimin e dialogut. Ne kërkojmë që ky dialog të jetë me parime dhe i përgatitur mirë. Jemi gati, kemi përvojë dhe do ta përfaqësojmë Republikën tonë ashtu siç e thotë Kushtetuta dhe ligji. Pra, varet nga Brukseli, kalendari i dialogut”, tha Kurti.

Kurti, i ka dërguar më 3 prill, listën e ekipit të dërguarit të posaçëm të BE-së për dialogun Kosovë Serbi, Miroslav Lajçak.

Ky është ekipi që Kurti i ka dërguar Lajçakut:

Hashim Thaçi – President, anëtar
Vjosa Osmani – Kryetare e Kuvendit, anëtare
Përfaqësuesi i LVV, anëtar
Përfaqësuesi i LDK, anëtar
Përfaqësuesi i PDK, anëtar
Përfaqësuesi i AAK-PSD, anëtar
Përfaqësuesi i NISMA-AKR, anëtar
Përfaqësuesi i Listës Serbe, anëtar
Përfaqësuesi i Grupit 6+, anëtar

/Reporteri.net/.