Isufi: Nuk është e ndershme të thirresh në vlerat e UÇK-së e të mos e përkrahësh ligjin për vlerat e saj

Pa kategori

Isufi: Nuk është e ndershme të thirresh në vlerat e UÇK-së e të mos e përkrahësh ligjin për vlerat e saj

Reporteri

21 Janar 2021 | 21:01

Kandidati për deputet nga radhët e Aleancës për Ardhmërinë e Kosovës (AAK) dhe ish-komandant i Zonës së Karadakut, Ahmet Isufi, në emisionin ‘Kosova Voton’, në televizionin T7, ka folur për mosmiratimin e Ligjit për Vlerat e Luftës.

Në përgjigjie të kandidatit të VV-së, Haxhi Avdyli, I cili deklaroi se VV-ja do të marrë 60 deputetë dhe do ta miratojë vetë ligjin, Ahmet Isufi u përgjigj se tendenca për ta votuar vetë tregon mosgatishmëri për të bashkepunuar për ta miratuar ligjin.

“Mohimi në bllok mënjëherë ka tregu që s’ka gatishmëri. Cilado ka qenë substancë e këtij ligji është dasht ta shohin si ide dhe të japin kontribut për të”, tha ai.

Lexo edhe:

Shpallet e pavlefshme diploma e shkollës së mesme

Bogdanoviq: Kriminelët e Vuçiqit po i bëjnë presion serbëve në Kosovë

Edhe sot mot jostabil, diell e rrebeshe shiu

Tutje, Isufi u shpreh se shpreson që në qeverisjen e ardhshme të ketë një përbërje që të bëhen bashkë dhe ta kenë ligjin që mbron vlerën e UÇK-së dhe as mos të cenohet e as mos të mohohet, por të tregojë një realitet të UÇK-së.

“Nuk është e ndershme të thirresh në vlerat e UÇK-së e të mos e përkrahësh ligjin për vlerat e saj”, shtoi ai.

Isufi gjithashtu foli edhe për sondazhet të cilat janë duke u bërë.

“Në sondazhe AAK, në çdo sondazh ka qenë mbi, prandaj konsideroj se sondazhet varen nga kush porositen”, theksoi Isufi.

Shpërndaje: