Isufi: AAK-ja ka ofruar një program praktik i cili mund të zbatohet

Pa kategori

Isufi: AAK-ja ka ofruar një program praktik i cili mund të zbatohet

Reporteri

28 Janar 2021 | 22:16

Kandidati për deputet nga radhët e Aleancës për Ardhmërinë e Kosovës (AAK), Ahmet Isufi, në ‘Debat Politik’ të RTK-së ka folur për programin qeverisës të subjektit që i takon.

Isufi përmendi se tanimë AAK-ja e ka programin dhe se është bërë publik.

“Është një program i krijuar nga ekspertët dhe i modifikuar në dhënien e frymës politike. E kemi paraparë në katër shtylla të ndarë, së pari ekonomia pasi vendi gjendet në një krizë për shkak të pandemië, politikat e sigurisë, mirëqenien sociale dhe politikën e jashtme. Këto katër shtylla brenda programit që plotësohen me të gjitha segmentete tjera në Kosovë e kemi parasysh një ngritje të nivelit të qeverisjes së vendit”, u shpreh Isufi.

Lexo edhe:

Shpallet e pavlefshme diploma e shkollës së mesme

Bogdanoviq: Kriminelët e Vuçiqit po i bëjnë presion serbëve në Kosovë

Edhe sot mot jostabil, diell e rrebeshe shiu

Tutje, ai thotë se në Qeverinë Haradinaj ka pasur efekte të jashtëzakonshme në marrjen e vendimeve.

“Në fillim ne do ta kemi fondin për rindërtim ekonomik që do të jetë 1 miiliardë sepse kemi shtresa të caktuara që janë të goditura. Ndërsa kemi ofruar një program krejtësisht praktik i cili mund të zbatohet”, tha tutje ai.

“Neve na keni thirrë për program, që t’iu ofrojmë qytetarëve oferten tonë. Shkurorëzimi i ka nxjerrë telashet e veta (VV-LDK)”, shtoi ai.

Isufi potencoi se deklaratat e ndryshme që mund të jepen janë pjesë e parafushatës zgjedhore, por duhet të kuptojnë se qytetarët janë ata që i largojnë e ofrojnë në skenën politike.

“Duhet të ofrojmë program për qytetarët e Kosovës. Deklaratën e Haradinajt që përfaqësuesit e PDK-së që ish-kryetari dhe ish-presidenti Thaçi janë në Hagë, Haradinaj ka theksuar se udhëheqësit e PDK-së nuk janë këtu, prandaj të tjerët mund të jenë të pakujdesshëm në deklaratat e tyre”, deklaroi Isufi.

Shpërndaje: