Lëvizja Vetëvendosje ka përsëritur kërkësen e tyre për ta votuar Albin Kurtin për deputet në zgjedhjet e 14 shkurtit, ndonëse emri i tij është larguar prej listës së deputetëve nga ana e KQZ-së, shkruan Reporteri.net. 

Ky vendim erdhi pasi Gjykata Kushtetuese interpretoi se kushdo që është dënuar në tri vitet e fundit me aktvendim të plotfuqishëm, nuk lejohet të marrë pjesë në zgjedhje. E këtë aktgjykim e kishte përkrahur edhe Gjykata Supreme e cila konfirmoi se Kurtit nuk mund te certifikohet për shkak të dënimit.

Por, nëpërmjet një postimi në Facebook, VV i ka ftuar simpatizantët e saj të votojnë për Kurtit, sepse sipas tyre secila votë do të numërohet.

“Secila votë për Vetëvendosjen – 127 – do të jetë e vlefshme! Mos i dëgjoni ata që thonë ndryshe. Votoni 127, pastaj zgjidhni jo më shumë se pesë numra kandidatësh nga lista jonë. Secila votë do të numërohet, që prej numrit 1 që është Albin Kurti, e deri në fund.

T’i japim mbështetje sa më të madhe Lëvizjes dhe kryeministrit tonë!”, thuhet në komunikatën e tyre, shkruan Reporteri.net.