Kryetari i PDK-së, kandidati për kryeministër Enver Hoxhaj, ka shpërndarë një fotografi ku shihet i ulur në rrugë me disa gra të moshuara.

Hoxhaj, në faqen e tij në rrjetin social Facebook, ka shpërndarë një fotografi emocionuese, ku shihet i ulur me dy gra, e që duken në moshë, në rrugë.

Krejt çka ai ka shkruar në mbishkrimin e kësaj fotografie është “kujdes dhe respekt për çdo moshë, për çdo qytetar”.

Kujtojmë se fushata zgjedhore ka nisur më 3 shkurt dhe përfundon më 12 shkurt, ndërsa zgjedhjet mbahen më 14 shkurt.

Në garë për kryeministër janë katër kandidatë: Albin Kurti nga Vetëvendosje, Avdullah Hoti nga LDK, Enver Hoxhaj nga PDK dhe Fatmir Limaj nga NISMA. /Reporteri.net/.