Selim Selimi, kandidat për deputet nga AAK në “Debat” të RTK-së tha se për shkak të gjëndjes së jashtëzakonshme, janë bërë shkurtime buxhetore gjithandej.

“Gjithë këto shkurtime janë bërë për shkak që të bëhet fondi i rimëkmëbjes, një fond që e ka përkrahur PDK-ja dhe opozita dhe ka qenë e domosdoshme që të krijohet ai. Për neve ka qenë më e rëndësishsme që t’i shpëtojmë ato pjesë të shoqërisë të cilat kanë pasur nevoja më imediate, por edhe në këtë nuk e kemi dëmtuar KGJK, KPK-në , projeksionet e tyre afatmesme” tha ai.

Selimi tha se sa i përket Taskforcës, ka qenë i vetmi ministër që nuk e ka përkrahur shuarjen e së njëjtës.

“Ka qenë gabim shuarja e Taskforcës, me të gjitha pikëpyetjet që i ka, funksionimi i asaj taskforce, shuarja me një vendim qeveritar krijon pasiguri jurike e cila pastaj në mënyrë zinxhirore krijon përcepsionin negativ që e kanë qytetarët për luftimin e korrupsionit”, tha Selimi.