Tahiri: E pranojmë fituesin, por refuzojmë të bëhemi pjesë e një kulture politike arbitrare

Lajme

Tahiri: E pranojmë fituesin, por refuzojmë të bëhemi pjesë e një kulture politike arbitrare

Reporteri

22 Mars 2021 | 13:54

Shefi i grupit parlamentar Besnik Tahiri përmes profilit të tij në facebook, ka reaguar pas konstituimit të legjislaturës së VIII-të si dhe dhënies së betimit si deputet i Kuvendit të Republikës së Kosovës.

“Besimin e marrë, do ta kthej në punë e përkushtim në shërbim të qytetarëve dhe vendit. Është me interes, që ta ruajmë e konsolidojmë demokracinë, duke ballafaquar shumicën me ide, kritikë, por edhe me kontribut për vendin”, është shprehur Tahiri.

Tutje, Tahiri ka thënë se fituesit e zgjedhjeve kanë zgjedhur të veprojnë shkëputur e ndaras, në vend të koordinimit dhe bashkëpunimit.

Lexo edhe:

Nazim Bllaca i shkruante Albulena Haxhiut: Neve na ke anashkaluar, eja na vizito

Dy të arrestuar në Viti për djegien e rreth 7 hektarëve tokë – Policia apelon për kujdes

Nga Dubrava, Bllaca i fliste “zi e terr” hetueses së EULEX-it për Azem Sylën: Nuk mundet me fol Nazimi sa...

Tahiri ka thënë se AAK e pranon fituesin por refuzon të bëhet pjesë një kulture politike arbitrare.

Postimi i plotë i Tahirit:

Sot, bëra betimin e deputetit në Legjislaturën e Tetë (VIII), të Kuvendit të Republikës së Kosovës. Besimin e marrë, do ta kthej në punë e përkushtim në shërbim të qytetarëve dhe vendit. Është me interes, që ta ruajmë e konsolidojmë demokracinë, duke ballafaquar shumicën me ide, kritikë, por edhe me kontribut për vendin.

E kundërta, po ndodh me fituesit e zgjedhjeve, e cila ka zgjedhur të veprojë shkëputur e ndaras, në vend të koordinimit e bashkëpunimit, duket se ka zgjedhur përjashtimin. E pranojmë fituesin, por jo logjikën e dominimit. E kemi të pamundur dhe refuzojmë, që të bëhemi pjesë e një kulture politike arbitrare.

Shpërndaje: