Një aksident i rëndë ka ndodhur sonte rreth orës 22:30, në Prishtinë, rrugës për Veternik.

Lidhur me këtë aksident, janë publikuar disa fotografi nga vendi i ngjarjes.

Gjithashtu shihet se mbrojtëset anësore të rrugës kanë depërtuar brenda makinës.

Në një përgjigje për Gazetën Online “Reporteri.net”, zëdhënësja e PK-së për rajonin e Prishtinës, Flora Ahmeti, tha se një person ka pësuar lëndime si pasojë e këtij aksidenti, i cili më pas është dërguar në spital për trajtim mjekësor.

“Sot rreth orës 22:30 në rrugën që qon për në Veternik, ka ndodhë një vetaksident trafiku. Si pasojë e aksidentit një person ka pësuar lëndime trupore dhe i njëjti është dërguar për trajtimin e nevojshëm mjekësor. Policia ka dalë në vendin e ngjarjes dhe ka nisur një hetim për zbardhjen e shkaqeve të këtij aksidenti”, tha Ahmeti.