Kosova po përballet me ikje të vazhdueshme të popullatës drejt vendeve Evropiane, kryesisht drejt Gjermanisë, Kroacisë dhe Sllovenisë. 

Shkaku i pamundësisë për të siguruar një jetesë të mirë kosovarët ia mësyjnë kurbetit, sidomos moshat e reja, shkruan Reporteri.net

Një mesazh i tillë u përçua edhe përmes një proteste të veçantë pa zë por përmes artit.

Një i ri tek sa shihet në fotografi me një parullë ”ËNDRRAT NA I KENI VJEDHË SHPRESAT NA I KENI VRA” i cili në po të njëjtën dorë mbanë edhe pasaportën e Kosovës si dhe diplomën e fakultetit. Ndërsa ne dorën tjetër të prangosur mbanë edhe një pëllumb të bardh. Kurse për fyti ka të lidhur një litar i cili pas vete mbanë valixhen e në po të njejtën valixhe qëndron e varur kapela që ka përfunduar studimet universitare.

Të gjitha këto përçojnë një mesazh, e ai është që në Kosovë rinia nuk kanë mundësi për t’i realizuar ëndrrat pasi që janë të pashpresë për kushte me të mira dhe si formë të vetme e shohin ikjen drejt vendeve të Evropës edhe pse të diplomuar detyrohen të braktisin vendin.

Ndërsa lulja e vyshkur përçon mesazhin se me trendin e ikjeve që vetëm po rritet edhe Kosova do të vyshket së shpejti me zbrazjen e saj. /Reporteri.net/