Një zjarr i përmasave të mëdha ka përfshirë mbrëmjen e sotme një magazinë që ndodhet përgjatë autostradës Tiranë-Durrës.

Në pamjet e publikuara nga A2CNN shihen flakët që kanë përfshirë objektin.

Ende është e paqartë se çfarë e ka shkaktuar zjarrin, por sipas një njoftimi të Ministrisë së Brendshme, flakët kanë përfshirë një fabrikë bojërash që ndodhet përgjatë autostradës.

Autoritetet bëjnë thirrje që qytetarët të shmangin kalimin e automjeteve në këtë aks rrugor, në të dy senset e lëvizjes.

Ndërkohë në vendngjarje mësohet se ndodhen shërbimet e policisë dhe forcat zjarrfikëse.