Disa aktivistë të opozitës serbe janë parë në Berlin duke protestuar kundër Presidentit të tyre, Aleksandër Vuçiq.

Aktivistët nga opozita e Serbisë, tash e disa muaj janë duke protestuar në Beograd kundër Vuçiqit.

Kujtojmë se edhe Lëvizja Vetëvendosje ka mbajtur një protestë në Berlin.

Sipas organizatorëve qëllimi i protestës ka qenë t’i tregojnë botës që Thaçi dhe Vuçiqi nuk janë përfaqësuesit e duhur të cilët nuk paraqesin unitetit e qytetarëve.

Presidenti serb është duke qëndruar në Berlin me ftesë të Kancelares gjermane, Angela Merkel dhe Presidentit francez, Emmanuel Macron, për të marrë pjesë në Samitin e Berlinit.

Pjesë e këtij takimi janë edhe Presidenti i vendit Hashim Thaçi, Kryeministri Ramush Haradinaj e ministri i Jashtëm Behgjet Pacolli.

Ndryshe presidenti i vendit, Hashim Thaçi, në hapjen e Samitit të Berlinit ka folur për bashkëpunimin rajonal dhe pajtimin mes Kosovës dhe Serbisë me ç’rast ka theksuar se pajtimi do të jetë i pamundur për aq kohë sa Serbia dhe Bosnje e Hercegovina nuk e njohin pavarësinë e Kosovës.

Kurse kancelarja Angela Merkel në një konferencë me presidentin francez Macron ka deklaruar se është e nevojshme të punohet drejt gjetjes së mundësive lidhur me çështjen e Kosovës, për të cilën ka theksuar se duhet një marrëveshje e pranueshme nga të dyja palët.

Ndërsa i pari i Francës ka kërkuar nga të dyja palët, Kosovës dhe Serbisë, që të heqin dorë nga emocionet. /Reporteri.net/.