Erdogan u bën thirrje turqve të mos blejnë produkte të Francës

Raportet në mes të Turqisë dhe Francës po vazhdojnë të acarohen, pas publikimit të karikaturave të profetit Muhamed në godinat qeveritare franceze. Presidenti Erdogan u ka bërë thirrje turqve që të bojkotojnë produktet franceze.


Erdogan vazhdon të ofendojë presidentin francez Macron, së fundmi në çdo fjalim të tij. Presidenti turk i bëri thirrje turqve që të mos konsumojnë mallra franceze duke e cilësuar këtë një përgjigje ndaj armiqësisë së Francës ndaj myslimanëve dhe Turqisë.
Ashtu siç ata bëjnë thirrje kundër mallrave tanë, unë i kërkoj popullit tim që të mos blejnë asgjë franceze.

Më herët, ishin vendet arabe ato që vendosën të bojkotonin mallrat franceze pas vendimit të Macron për të shfaqur karikaturat e Profetit Muhamed në muret e godinave qeveritare në Paris.