Imazhet më të njohura nga sulmet terroriste të 11 Shtatorit në SHBA janë ato të avionëve dhe kullave.

Por vëmendje ka tërhequr edhe një njeri që bie nga lartësia e njërës prej kullave. Kjo foto e realizuar nga fotografi Richard Drew në momentin pas sulmeve të 11 Shtatorit 2001, është një nga momentet më të rënda.

Një njeri që arratiset për të shpëtuar. Fotografia u botua nëpër gazetat amerikane disa ditë pas sulmeve, por reagimi i njerëzve i detyroi mediat që të mos e botonin më. Identiteti i këtij njeriu guximtar është ende i panjohur.

Besohet se ai ka qenë punonjës që pastronte dritaret e një restoranti në katet e fundit të kullës binjake.