Presidenti turk Rexhep Tajip Erdogan duhet të hetohet dhe të akuzohet për krime lufte lidhur me sulmet ushtarake të vendit të tij në Siri, tha ish-prokurorja dhe hetuesja e SHBA-ve Carla del Ponte.
Del Ponte, ish anëtare e Komisionit të SHBA-ve për Hetimin e Sirisë, tha se ndërhyrja e Turqisë ka thyer ligjin ndërkombëtar dhe ka rihapur konfliktin në Siri, transmeton Reuters, përcjell Reporteri.net
“Që Erdogan është në gjendje të pushtojë territorin sirian për të shkatërruar kurdët është e pabesueshme”, shtoi del Ponte.
“Një hetim duhet të hapet ndaj tij dhe ai duhet të akuzohet për krime lufte. Ai nuk duhet të lejohet të largohet i lirë,” i tha ajo gazetës zvicerane Schweiz am Wochenende në një intervistë.
Ankaraja ndaloi ofensivën e saj ushtarake javën e kaluar në një armëpushim të ndërmjetësuar nga SHBA-të. Erdogan atëherë negocioi një marrëveshje me presidentin rus Vladimir Putin, me anë të së cilit rojet kufitare siriane dhe policia ushtarake ruse filluan pastrimin e YPG-së brenda 30 km të kufirit siriano-turk, përcjell Reporteri.net
Nga e marta forcat ruse dhe turke do të fillojnë të patrullojnë në zonat ku trupat amerikane ishin vendosur me vite me radhë, bashkë me ish aleatët e tyre kurdë.
Aleatët e Turqisë në NATO, përfshirë dhe Shtetet e Bashkuara, kanë kritikuar inkuadrimin e saj ushtarak në Sirinë verilindore.
Del Ponte tha se kombet evropiane nuk janë të gatshëm të përballen me Turqinë për veprimet e saj pasi Erdogan kërcënoi të “hap portat” për refugjatët të shkojnë drejt Evropës.
Ajo hoqi dorë nga kjo detyrë në vitin 2017, sepse sipas saj mungesa e mbështetjes politike nga Këshilli i Sigurimit i SHBA e bëri punën të pamundur./Reporteri.net/