Të qëndrosh në radhë për të hipur në një fluturim është një përvojë jashtëzakonisht e lodhshme. Por një aeroport në Gjermani dëshiron të përshpejtojë ndjeshëm procesin për pasagjerët.

Aeroporti i Frankfurtit thotë se do të fillojë të ofrojë shërbime biometrike të kontrollit për të gjithë udhëtarët në muajt e ardhshëm

Aeroportishpreson të ulë kohën e radhës duke u bërë i pari në Evropë që hap check-in biometrik për të gjithë pasagjerët.

Operatori i aeroportit Fraport tha se teknologjia e kursimit të kohës do të jetë e disponueshme për udhëtarët në të gjitha linjat ajrore që regjistrohen paraprakisht për të.

Si funksionon check-in biometrik?

Në vend që të qëndroni në radhë në një tavolinë për të kontrolluar ID-në dhe dokumentet, fytyra juaj bëhet karta e imbarkimit.

Pasagjerët mund të regjistrohen në mënyrë të sigurt paraprakisht në pajisjen e tyre celulare përmes aplikacionit biometrik Star Alliance ose direkt në kioskën e kontrollit me pasaportat e tyre të aktivizuara biometrike. I gjithë procesi i regjistrimit zgjat vetëm disa sekonda.

Më pas atyre do t’u skanohet fytyra teksa kalojnë pranë pikave të kontrollit në vend që të duhet të paraqesin dokumentet e tyre.