Anëtarja e Bordit të RTK-së, Arta Berisha, ka reaguar pas raportimit të transmetuesit publik, i cili sulmoi gazetën Nacionale e Periskopin.

“Si anëtare e Bordit të RTK-së e kam konsideruar të papranueshme publikimin e lajmit të pambështetur në fakte në webfaqen e RTK-së dhe në edicionin e lajmeve qendrore dje. Në gazetari faktet janë të shenjta ndërsa aktiviteti i verifikimit të informatave është proces që i ka mundësuar gazetarisë të mbijetoj. Sinqerisht, arsyeja e problemeve në gazetari sot veçanërisht atë që bëhet vetëm online është mungesa e fakteve”, shkroi ajo.

Tutje, ajo ka thënë se ka kërkuar marrjen e masave.

“Këtë qëndrim e prezantova edhe sot në mbledhjen e Bordit te RTK-së dhe kërkova nga Ushtruesja e Detyrës së Drejtoreshës së Përgjithshme marrjen e masave duke qenë se publikimi i lajmeve pa fakte është në kundërshtim me Ligjin e RTK-së, Statutin e RTK-së dhe Standardet Profesionale. Pjesën tjetër të analizës pres ta trajtoj me seriozitet komisioni i brendshëm.” – ka thënë ajo.

Berisha është mburrur me punën e Bordit të RTK-së, që sipas saj, “ka bërë rrugë të gjatë në deinstrumentalizimin e RTK-së dhe rivendosjen e parimeve profesionale”.

Bordi i RTK-së për dezinformatën ndaj portaleve: Artikull kontraverz, do të merren masa rigoroze pas sqarimit të situatës