Një operacion i madh policor është duke u zhvilluar në qendrën tregtare Westfield Bondi Junction të Sidneit, ku raportohet se katër persona kanë mbetur të vrarë si pasojë e një sulmi me thikë.

Një nënë dhe foshnja e saj 9 muajshe, kanë mbetur të plagosura dhe janë dërguar menjëherë në spital për të marrë trajtimin e duhur.

Sipas informacioneve, autorët ishin dy, një prej të cilëve u qëllua për vdekje nga policia, gjithnjë sipas raportimeve të mediave të huaja.

Një dëshmitare, e cila sot është mbyllur brenda një dyqani tha se ka dëgjuar të shtëna dhe britma.

“Ne jemi absolutisht të tmerruar,” tha ajo.

Personat e plagosur janë dërguar menjëherë në spital, ndërsa policia ka nisur hetimet për ngjarjen tragjike dhe kapjen e autorit. /abcnews