Rruga drejt integrimeve Euro-Atlantike e Kosovës është e lidhur me dialogun e lehtësuar nga Bashkimi Evropian mes Kosovës dhe Serbisë, ka thënë këshilltari i Sekretarit amerikan të Shtetit, Derek Chollet, raporton gazeta online Reporteri.net.

Në një takim në New York me Presidenten e Kosovës, Vjosa Osmani dhe zv/ndihmës sekretarin amerikan të shtetit, Gabriel Escobar, Chollet shkroi se biseduan për “partneritetin jetëgjatë” mes ShBA-së dhe Kosovës.

“Mirë ta takoja Presidenten e Kosovës Vjosa Osmani për të diskutuar partneritetin tonë jetëgjatë, rrugën e integrimeve Euro-Atlantike nëpërmjet Dialogut të fascilituar nga BE dhe mbështetjen e Kosovës për afganët, Ukrainën dhe Samitin për Demokraci”, shkroi Chollet.

Good meeting today with Kosovo President @VjosaOsmaniPRKS to discuss our enduring partnership, Kosovo’s path to Euro-Atlantic integration via the EU-facilitated Dialogue, and Kosovo's support for Afghans, Ukraine, and #SummitforDemocracy. pic.twitter.com/XV0xAqxRv7

— Derek Chollet (@CounselorDOS) September 21, 2022

Osmani: Kosova është e përkushtuar në parandalimin e ekstremizmit të dhunshëm