Një ngjarje e rëndë ka ndodhur para rreth një orë në Mitrovicë, ku dyshohet për një person të lënduar nga thika.

Gazeta Online “Reporteri.net” mëson se të përfshirë në incident janë familjarë. Sipas dyshimeve të para, mësohet se djali ka therur me thikë babain.

Sipas informacioneve, ai është larguar nga vendngjarja pasi kreu sulmin ndaj dy familjarëve, ndërkohë që Policia po e kërkon.

Rasti është konfirmuar edhe nga Policia e Kosovës. Zëdhënësi i Policisë për Rajonin e Mitrovicës, Avni Zahiti i ka thënë Gazetës Online “Reporteri.net” se i lënduari po trajtohet në Spitalin Rajonal të Mitrovicës.

Ai tha se Policia ka nisur hetimet për identifikimin dhe arrestimin e personit të dyshuar.
“Reth orës 09:40 është raportuar një rast për lëndim trupor i ndodhur në rrugën “Mbretresha Teutë” në Mitrovicë. Nga informatat e para raportohet se viktima (rreth 58 vjeçar) ka marrë lëndime trupore nga një mjet i mpreht (thikë) i lënduari po trajtohet në Spitalin Rajonal në Mitrovicë, Policia ka nisur hetimet për identifikimin dhe arrestonin e personit të dyshuar”, tha ai.