Një burrë në Prishtinë, ka raportuar në Polici për një rast vjedhjeje në veturën e tij.

Gazeta online Reporteri.net merr vesh se 29 vjeçari, derisa ka parkuar veturën e tij të tipit Polo në rrugën “Idriz Gjilani” dhe kur është kthyer ka parë se i janë vjedhur gjëra personale.

Atij i është vjedhur çanta, ku kishte pasur para të gatshme 100 euro, kartelat bankare, letërnjoftimi e patentë shoferi.

Po ashtu i është vjedhur një xhaketë në vlerë 100 euro, në çantë krahu në vlerë 50 euro dhe një Iphone 6 në vlerë 50 euro.

Rasti është duke u hetuar nga Policia. /Reporteri.net/