Një grua është gjetur pa shenja jete mbrëmë në banesën e saj në Lipjan, raporton Gazeta Online Reporteri.net.

Në raportin 24 orësh, Policia njofton se vdekjen e viktimës e ka konstatuar ekipi mjekësor që doli në vendin e ngjarjes, teksa kanë nisur hetimet për rastin.

Me urdhër të prokurorit, trupi i pajetë i viktimës është dërguar në Institutin e Mjekësisë Ligjore për obduksion, ndërsa rasti është cilësuar ‘Hetim i vdekjes’.

“Raportohet se është gjetur pa shenja jete në banesën e saj viktima femër kosovare, ku vdekjen e viktimës e ka konstatuar mjeku kujdestar. Lidhur me rastin njësitet përkatëse kanë dalur në vendngjarje dhe me vendim të prokurorit trupi i pajetë dërgohet në IML për obduksion”, thuhet në njoftim.