Gjyqtari i Gjykatës Komerciale F.Z, është kërcënuar sot në vendin e tij të punës nga një përmbarues me inicialet I.M.
Burime të gazetës online Reporteri.net bëjnë të ditur se gjyqtari e ka paraqitur rastin në Policinë e Kosovës.
Ai ka deklaruar se derisa ishte duke punuar në zyrën e tij, në atë ambient ka hyrë kërcënuesi I.M.
“ Ai e ka mbyllur derën dhe ma ka kanosur!, mësohet të ketë deklaruar gjyqtari para hetuesve policorë.
Pala e dyshuar është intervistuar nga njësia regjionale e hetimeve.
Ndaj tij prokurori i rastit e ka iniciuar rastin si “Kanosje ndaj personit zyrtar”.
Ende nuk dihen shkaqet që çuan deri në këtë kanosje.
Hetimet po i vazhdon njësia e hetimeve rajonale. /Reporteri.net/
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.