×
  • Lajme
  • Lajme / Detajet

    Kosovari arratiset nga burgu i Lucernit derisa ishte në pushim

    Reporteri
    25 Mars 2024 | 8:46

    Një person që po mbahej në burg të tipit të hapur u arratis nga burgu Wauwilermoos në Egolzwil LU. Kosovari ka përfituar nga disa orë pushim nga burgu gjatë drekës të martën e kaluar dhe ka ikur. Kjo është vënë re vetëm kur i burgosuri nuk u paraqit në burg në orarin e caktuar.

    Ai ishte i dënuar për kundërvajtje dhe nuk paraqet asnjë rrezik për publikun.

    “I burgosuri nuk ka rënë në sy kurrë për sjellje të dhunshme gjatë qëndrimit të tij në Wauwilermoos dhe gjithmonë kthehej nga pushimet e tij në orën e caktuar” thotë Daniel Graf, zëdhënës i shtypit për Departamentin e Drejtësisë dhe Sigurisë së Lucernit (JSD), për Zentralplus.

    Për këtë arsye opinioni nuk është informuar për arratisjen, ditën kur ka ndodhur. Graf, më tutje thotë: “Vetëm të burgosurit që nuk përbëjnë rrezik për publikun mbahen në sistemin e hapur të burgjeve”, transmeton albinfo.ch.

    Është e paqartë se ku ndodhet tani kosovari i arratiur. Policia po heton. Ai mund të mos jetë më në Zvicër. Sipas Graf-it, është e rrallë që të burgosurit të përdorin pushimin e tyre të burgut për t’u arratisur. Kjo, sipas tij, ndodhë deri në tre herë në vit.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!