Kryeministri në largim, Albin Kurti, lë të nënkuptohet se vazhdon të besojë se SHBA-ja ka patur plan shkëmbimin e territoreve mes Kosovës dhe Serbisë, gjatë ndërmjetësimit të marrëveshjes.

Ai në një debat në RTV Dukagjini ka thënë se po të shkonte në ‘Shtëpinë e Bardhë’, do të duhej të dilte nga takimet, pasi sipas tij po të qëndronte aty “do të ishin thikat mbi hartën tonë”, shkruan Reporteri.net.

Ndryshe, pretendimet e Kurtit, javë më parë i ka përgënjeshtruar Uashingtoni përmes një deklarate publike.