MSH e ndryshon shifrën e viktimave nga COVID-19 në raportin e fundit, nga 28 e ulë në 24

Ministria e Shëndetësisë ka bërë një ndryshim në raportin e fundit 24 orësh rreth gjendjes epidemiologjike në vend, të publikuar pak minuta më parë.

Fillimisht u raportua se në 24 orët e fundit, kanë humbur jetën 28 pacientë të infektuar me coronavirus, por kjo u ndërrua pak minuta më pas, duke e ulur shifrën e rasteve të vdekjeve për brenda një dite në 24, shkruan Reporteri.net.

Ndërkohë MSH njofton se janë konfirmuar edhe 1 mijë e 29 raste pozitive me COVID-19, teksa janë shëruar 3 mijë e 266 pacientë që ishin të infektuar. /Reporteri.net