Nis takimi kokë më kokë i Thaçit me Kurtin

Ka nisur takimi kokë më kokë, i kryeministrit të Kosovës, Albin Kurti me presidentin e vendit Hashim Thaçi.


Takimi po zhvillohet në Presidencë, gjersa ka nisur pa shtrëngim duarsh, krejt kjo si masë për t’u mbrojtur nga koronavirusi, shkruan Reporteri.net.

Thaçi e Kurti ka disa ditë që e ftojnë njëri-tjetrit për bashkërendim të qëndrimeve në politikën e jashtme.

Fillimisht Kurti e kishte ftuar disa herë Thaçin, e së fundi ishte presidenti që i bëri disa herë ftesa kryeministrit.

Kujtojmë se pas zgjedhjeve të 6 tetorit 2019, Thaçi e Kurti janë takuar vetëm njëherë, më 6 janar për t’u marrë vesh për mandatarin e Qeverisë.

Takimi nuk kishte zgjatur më shumë se 4 minuta. /Reporteri.net