Një zyrtar i Ministrisë së Drejtësisë konfirmohet me coronavirus

Një nga 11 të infektuarit sonte me koronavirus është zyrtar i Ministrisë së Drejtësisë.


Kjo është konfirmuar nga vet Ministria e Drejtësisë përmes një njoftimi.

“Ministria e Drejtësisë ju njofton se gjatë ditës së hënë, më datë 11 maj 2020, pas testimit për Covid 19 nga IKSHPK-ja, një zyrtar i MD-së ka rezultuar pozitiv dhe i njëjti është karantinuar sipas udhëzimeve të Institutit. Rasti i zyrtarit është rast kontakti.
Ministria e Drejtësisë ju njofton se të gjithë zyrtarët e tjerë të cilët kanë pasur kontakte me zyrtarin e identifikuar me Covid 19, janë karantinuar dhe pritet që ditët në vijim të testohen nga IKSHPK-ja.
Ministria e Drejtësisë do ndërmarr të gjitha masat e parapara, duke dezinfektuar hapësirat e punës dhe duke vendosur masa higjenike në ambientet e MD-së”, thuhet në njoftimin e MD-së.

Ndërsa ministrja e Drejtësisë, Albulena Haxhiu, ka deklaruar për KOHA-n, se zyrtari i infektuar është nga Divizioni i Financave.

Deri sot në vend janë infektuar 895 persona nga coronavirusi, ndërkaq janë shëruar 657 raste dhe 28 persona kanë vdekur. /Reporteri.net/.