Deputetët e opozitës PDK-LDK-AAK kanë lëshuar sallën e Kuvendit të Kosovës, menjëherë pas votimit të Qeverisë së re.

Albin Kurti ka marrë sërish detyrën e Kryeministrit të Kosovës, me 67 vota të deputetëve të Kuvendit.

Me të përfunduar votimi në Kuvend, deputetët e opozitës që votuan kundër Kurtit dhe kabinetit të tij, kanë braktisur sallën e Kuvendit, derisa Kurti dhe Ministrat e tij po zinin vend në ulëset e tyre përballë deputetëve, shkruan Reporteri.net.

Rrjedhimisht, opozita bojkotoi edhe betimin dhe fjalimin e Kurtit kryeministër, në Kuvend.

Ndërkohë që deputetët e VV’së dhe ata të pakicave jo serbe, duartrokiten zgjedhjen e Qeverisë së re të vendit.

Qeveria Kurti 2 do të dukët kështu, me 15 ministra e 3 zëvendëskryeministra:

Albin Kurti – Kryeministër

Besnik Bislimi – Zëvendëskryeministër i parë për Integrime evropiane, Zhvillim dhe Dialog;
Donika Gervalla – Zëvendëskryeministre e dytë dhe Ministre e Punëve të Jashtme;
Emilia Rexhepi – Zëvendëskryeministre e tretë për Çështje të Pakicave dhe të Drejtat e Njeriut;

Hekuran Murati – Ministër i Financave, Punës dhe Transfereve
Albulena Haxhiu – Ministre e Drejtësisë
Arben Vitia – Ministër i Shëndetësisë
Arbërie Nagavci – Ministre e Arsimit, Shkencës dhe Teknologjisë
Hajrullah Qeku – Ministër i Kulturës, Rinisë dhe Sportit
Elbert Krasniqi – Ministër i Administrimit Lokal
Liburn Aliu – Ministër i Mjedisit, Planifikimit Hapësinor dhe Infrastrukturës
Faton Peci – Ministër i Bujqësisë, Pylltarisë dhe Zhvillimit Rural
Armend Mehaj – Ministër i Mbrojtjes
Xhelal Svecla – Ministër i Punëve të Brendshme dhe Administratës Publike
Rozeta Hajdari – Ministre e Industrisë, Ndermarrësisë dhe Tregtisë
Artane Rizvanolli – Ministre e Ekonomisë
Goran Rakiq – Ministër për Komunitete dhe Kthim
Fikrim Damka – Ministër i Zhvillimit Rajonal. /Reporteri.net/.