Për vrasjen e dyfishtë në Pejë ka reaguar edhe presidentja e vendit, Vjosa Osmani.

Përmes një shkrimi, Osmani u ka shprehur ngushëllime familjeve të viktimave, derisa i ka uruar shërim të shpejtë të plagosurit, shkruan Gazeta Online “Reporteri.net“.

“Me trishtim e mora lajmin për ngjarjen e sontme tragjike në Pejë, në të cilën humbi jetën një kandidat i PDK-së për kryetar të Pejës dhe ish-kandidat për kryetar të Deçanit. Ngushëllime të sinqerta familjeve të të vrarëve dhe PDK–së! Të lënduarit, i dëshiroj shërim të shpejtë! Ftoj organet e rendit për zbardhje të rastit të kësaj vrasje të dyfishtë!”, thuhet në mesazhin e Presidentes Osmani.

Nga incidenti tragjik në Pejë kanë mbetur të vrarë dy persona, Astrit Ademaj, kandidat i PDK-së për kryetar të kësaj komune, si dhe Blerand Kadrijaj, ish-kandidat i PDK-së për kryetar të Deçanit, derisa i plagosur ka mbetur vëllait i Astritit, A.Ademaj./Reporteri.net/