Haradinaj në Istog takon Veteranët dhe viziton Banjën e Pejës

Pa kategori

Haradinaj në Istog takon Veteranët dhe viziton Banjën e Pejës

Reporteri

20 Janar 2021 | 17:06

Kreu i Aleancës për Ardhmërinë e Kosovës (AAK), njëherit edhe kandidat për president në zgjedhjet e parakohshme, Ramush Haradinaj sot ka vizituar dy nga zonat e Dukagjinit, Pejën dhe Istogun.

Haradinaj përmes rrjetit social facebook ka treguar se ne Istog kishte takuar veteranët e luftës.

“Së bashku në luftë, së bashku në paqe.” Është shprehur Haradinaj, duke shtuar se vizioni i Aleancës është rritja e kapaciteteve të sigurisë në vend.

Lexo edhe:

Bogdanoviq: Kriminelët e Vuçiqit po i bëjnë presion serbëve në Kosovë

Edhe sot mot jostabil, diell e rrebeshe shiu

Ambasadori gjerman: S’mund të garantojmë se serbët do të marrin pjesë në zgjedhje

“Vizioni im për rritjen e kapaciteteve të sigurisë në Kosovë dhe rruga e saj drejt NATO-s, po përkrahet maksimalisht nga veteranët.

Aleanca ka qenë gjithmonë pranë kategorive të lirisë, me mbështetje jo vetëm morale por edhe me punë konkrete për të lehtësuar jetën e tyre.” ka thënë tutje Haradinaj në Istog.

Ndërkohë, Haradinaj ka shpalusur vizionin e tij për ekonominë edhe në Banjën e Pejës, të cilën sot e kishte vizituar.

“Programi i Aleancës për Ekonominë, parasheh fondet që do të mbështesin secilin punëdhënës në Kosovë, në mënyrë që askush të mos e humbasi punën, për shkak të gjendjes pandemike që po vazhdon.” shkruan Haradinaj në facebook.

“Banja e Pejës, ka një rëndësi historike që nga Antika. Me mijëra njerëz kanë gjetur shërim, falë ujit termo-mineral që buron aty.” tha ai duke nënzivuar vlerat e Banjës së Pejës.

Postimi i plotë:

Së bashku në luftë, së bashku në paqe. Kënaqësi sa herë që i takoj bashkëluftëtarët e mi, kësaj radhe në Istog, me të cilët i kalova ditët e lavdisë, e me të cilët tani po e ndërtojmë vendin së bashku.

Vizioni im për rritjen e kapaciteteve të sigurisë në Kosovë dhe rruga e saj drejt NATO-s, po përkrahet maksimalisht nga veteranët.

Aleanca ka qenë gjithmonë pranë kategorive të lirisë, me mbështetje jo vetëm morale por edhe me punë konkrete për të lehtësuar jetën e tyre.

Banja e Pejës, ka një rëndësi historike që nga Antika. Me mijëra njerëz kanë gjetur shërim, falë ujit termo-mineral që buron aty.

Vizitova sot resortin “ONIX SPA”, që punon sipas standarteve të çertifikuara ndërkombëtare. I shoqëruar nga Albert Shoshi, mbeta i mahnitur nga ajo që pashë, përfshirë mjekët e stafin profesional që ofrojnë shërbime aty.

Programi i Aleancës për Ekonominë, parasheh fondet që do të mbështesin secilin punëdhënës në Kosovë, në mënyrë që askush të mos e humbasi punën, për shkak të gjendjes pandemike që po vazhdon.

Shpërndaje: