Kandidati për kryeministër nga koalicioni AAK-PSD, Ramush Haradinaj, ka vizituar sot Qendrën e Studentëve, konviktet e qëndrimit dhe qendrën e ushqimit.
Ai thotë se breza e breza studentësh kanë sakrifikuar për lirinë, duke rënë edhe në fronte të luftës, që gjeneratat e reja t’i përkushtohen dijes dhe vlerave tona si vend, shkruan Reporteri.net.
Postimi i plotë:
Breza e breza studentësh kanë sakrifikuar për lirinë, duke rënë edhe në fronte të luftës, që gjeneratat e reja t’i përkushtohen dijes dhe vlerave tona si vend.
Sot, në ditën e parë të vitit të ri Akademik, vizitova Qendrën e Studentëve, konviktet e qëndrimit dhe qendrën e ushqimit. Drekova bashkë me studentë dhe pashë nga afër kushtet dhe ambientet e tyre.
Si Qeveri kemi treguar kujdes të veçantë për këtë qendër, duke investuar në përmirësimin e infrastrukturës dhe inventarit, për t’u dalë zot 4 mijë studentëve që qëndrojnë në konvikte dhe 6500 studentëve që ushqehen në mensë dhe ky kujdes do të vazhdojë!
Urime ky vit i ri Akademik!
RH
