Lista e Vjosa Osmanit sot ka hapur zyrën e saj në qytetin e Prizrenit, ku pranë vetes kishte Doniak Gervallën e Haxhi Avdylin.
Pasi Osmani mbajti fjalimin e saj ku bëri thirrje qytetarëve të votojnë për ndryshim, Haxhi Avdyli, kishte një kërkesë për zyrtarët e Listës.
Ai kërkoi një prej zyrtarëve që të sjellin diç për të ngrënë e pirë.
“Meqenëse siç tha presidentja ky takim do të zgjatë shkurt, po shpresoj që na keni bo najsen me pi e me hangër”, i tha Avdyli njërit prej zyrtarëve të Listës së Vjosës në Prizren, shkruan Reporteri.net.
“Artan a i kemi në dhomën tjetër, apo po i bijmë këtu, po e bëjmë një nej pa protokoll”, tha Avdyli.
Pas kësaj Osmani, Gërvalla dhe aktivistët e tjerë u ngritën në këmbë që me një aheng të festojnë hapjen e zyrës në Prizren. /Reporteri.net/.
