Diaspora kësaj radhe ka treguar interesim më të madh për votim. Pesë vendet e para, prej nga kanë arritur më së shumti aplikime për zgjedhjet e 14 shkurtit janë Gjermania, Zvicra, Austria, Franca e Suedia.
Sipas të dhënave të KQZ-së në listën e aplikacioneve të aprovuara, prinë Gjermani me 43 mijë e 49 aplikacione, pastaj Zvicra, 26 mijë e 686, Austria me 4 mijë e 758, Franca me 4 mijë e 164 dhe Suedia 4 mijë e 69.
Përveç këtyre vendeve, me mijëra aplikacione të aprovuara vijnë nga Mbretëria e Bashkuar, Finlanda, SHBA-të, Belgjika, Kroacia, Sllovenia, Lituania etj. Por, aplikime ka edhe nga vende të largëta si Japonia, Meksika, Panama, Somalia, Kosta Rika etj.
Si zakonisht edhe në këto zgjedhje mërgimtarët votojnë nëpërmjet postës.
Në zgjedhjet e vitit 2019 ishin 35,087 qytetarë të regjistruar nga jashtë, por që në Kosovë brenda afatit arritën 20,200 vota.
