“Nuk ka dorëzim”, kështu ka thënë presidenti serb, Aleksandar Vuçiq pas një takimi që ka njoftuar se ka pasur mbrëmë vonë me Ministrin serb të Mbrojtjes, Millosh Vuçeviq dhe shefin e Shtabit të Përgjithshëm të ushtrisë serbe, Milan Mojsiloviq.

Këtë deklaratë Vuçiq e ka bërë pasi mbrëmë Shefi i të ashtuquajturës Zyrë për Kosovën në Qeverinë e Serbisë, Petar Petkoviq, tha se Serbia “do të shqyrtojë dërgimin e 1.000 forcave të saj të sigurisë” në Kosovë.

 

Lexo edhe:

Bogdanoviq: Kriminelët e Vuçiqit po i bëjnë presion serbëve në Kosovë

Edhe sot mot jostabil, diell e rrebeshe shiu

Ambasadori gjerman: S’mund të garantojmë se serbët do të marrin pjesë në zgjedhje

View this post on Instagram

 

A post shared by Aleksandar Vučić (@buducnostsrbijeav)

Ky veprim tha se do të merret në përputhje me Rezolutën 1244 të Kombeve të Bashkuara.

Kjo ndodhi pak orë pasi Policia rriti praninë në komunat e veriut, çka Serbia e cilësoi si “okupim të veriut”, shkruan Reporteri.net.

Policia e Kosovës ka njoftuar se do ta rrisë praninë e saj në veri, pas situatës së fundit të krijuar atje.

Po mbrëmë një polic i Kosovës është lënduar si pasojë e një sulmi që ka ndodhur ndaj Policisë së Kosovës në fshatin Serbovc të Zveçanit, bëri të ditur Policia mbrëmë në orët e vona.

Sipas njoftimit, sulmi ka ndodhur rreth orës 23:00 nga persona të armatosur me armë të gjata, nga një automjet i tipit “Audi”, ngjyrë hiri, me targa KM.

Në tri ditët e fundit, incidente të njëpasnjëshme ndodhën Zubin Potok dhe Mitrovicë të Veriut.

Gjithçka nisi të martën, derisa zyrtarët policorë po i shoqëronin autoritetet zgjedhore në këto dy komuna, të banuara me shumicë serbe. /Reporteri.net