Katër kosovarë kanë ndërruar jetë si pasojë e një aksidenti të trafikut që ndodhi dje rreth orës 9 të mëngjesit, në autostradën federale 31 midis Uhldingen-Mühlhofen dhe Meersburg, raporton RTL.de.

Sipas mediave gjermane, viktimat ishin anëtarë të të njëjtës familje nga fshati Rahovicë i Ferizajt.

Në bazë të hetimeve të para të policisë, një 35-vjeçare, po voziste automjetin e saj Audi drejt Friedrichshafen. Menjëherë pas Uhldingen, gruaja thuhet se kishte rrëshqitur dhe makina u fut në korsinë e kundërt ku u përplas ballë për ballë me një kamion.

Nga ky aksident u lëndua edhe një 11-vjeçare dhe shoferi i kamionit.