Policia e Kosovës ka shpallur në kërkim tre shtetas të Shqipërisë, të dyshuar për përfshirje në veprat penale ‘Kultivimi i bimës së hashashit, shkurres së kokainës ose bimëve të kanabisit’ dhe ‘Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge’.

Personat e shpallur në kërkim janë Engjellush Ibrahimi, Erion Etemaj dhe Eldi Mykaj, shkruan Reporteri.net.

“Luten të gjithë qytetarët që posedojnë informata lidhur me vendndodhjen e këtyre personave të njoftojnë stacionin policor më të afërt ose përmes numrave kontaktues: Nga telefonia fikse dhe mobile: 192 ose 038 550 999 ose përmes aplikacionit Lajmëro Policinë dhe përmes e-mailit: info@kosovopolice.com”, thuhet në njoftim.