Sot është bërë inaugurimi i “Parkut Japonez” të ndërtuar nga Qendra për Zhvillime Humane dhe përkrahur nga “Japan Tobacco International” (JTI).

I ngarkuari me punë i Ambasadës së Japonisë në Kosovë, Keisuke Yamanaka, theksoi përkrahjen të cilën shteti i tij e ka dhënë dhe po ia jep Kosovës.

Ai shprehu përcaktimin dhe angazhimin e vendit të tij për përkrahjen e mëtejme të të gjitha proceseve nëpër të cilat kalon Kosova, por edhe të projekteve ekonomike.

Kurse, kryetari i Prishtinës Përparim Rama duke iu falënderuar ambasadës së Japonisë për përkrahjen e realizimit të këtij projekti, theksoi se Komuna e Prishtinës gjithnjë jo vetëm që po përkrah projekte të tilla, por po angazhohet edhe në realizimin e tyre.