Kryeministri në detyrë, Albin Kurti, në emisionin “Debat Plus”, ka habitur analistët duke mos qenë dijeni për situatën e menaxhimit të pandemisë.

I pyetur se pse është privilegj që stafi qeverisës ta bëjë testimin e virusit që në fillim, teksa të tjerët që nuk janë në pushtet nuk e kanë këtë mundësi, Kurti dha një përgjigje të shkurtër, atë “Nuk e di”.

Ndaj përgjigjes së tij, ka reaguar edhe analisti, Shkodran Ramadani, i cili tha se Kurti për shtëpinë e vet nuk di asgjë, ndërsa pë Shtëpinë e Bardhë i di të gjitha.

“Per shpine e vet: “per bese nuk e di, pyetne Arbenin, Luanin…

Per Shpine e Bardhe: “krejt i di une. Mos e pytni Trumpin, Pompeun e Grenellin! Pytnum mu!, ka shkruar Ramadani.

Ndryshe, analistët e ftuar në emision thanë se Kurti cilësohet si njeriu që i di të gjitha, por çudi që nuk është në dijeni për ndodhitë e fundit në vend.

Mirëpo, si kundërpërgjigje e kësaj Kurti tha se nuk është pjesë e MSH-së dhe se këto hollësi teknike janë të pafundme.

Reporteri.net