Reagon Vetëvendosje pas kritikave që po merr Fatmire Kollçaku

Zëvendësministri i Punëve të Brendshme, Xhelal Sveçla, ka reaguar ndaj kritikave që po merr bashkëpartiakja e tij, Fatmire Kollçaku- Mulhaxha pasi postoi një citat të një gazetari serb për kryeministrin, Albin Kurti, ku thuhej ndër të tjera se ai “nuk ka dosje kriminale të UÇK’së”.


Sveçla thotë se nuk ka pse ta mbrojë Kollçakun, sepse sipas tij atë e mbron puna dhe aktiviteti  i saj, shkruan Reporteri.net.

Postimi i tij:

Ne kemi fituar me zotimin se do ta luftojmë krimin e korrupcionin, se do të bëjmë vetingun në institucionet kryesore shtetërore, se do të konfiskojmë pasurinë e fituar paligjshëm. Ne nuk jemi naivë. Nuk na habit të luftohemi nga të njëjtët.

Jemi të ndërgjegjshëm se lufta për të drejtën e barazinë nuk do të jetë e lehtë, por s’ka alternativë tjetër veç drejtësisë.

E sa për doktoreshën dhe nën-kryetaren tonë, ska nevojë ta mbroj, e mbron puna e aktiviteti i saj.

Ne kemi fituar me zotimin se do ta luftojmë krimin e korrupcionin, se do të bëjmë vetingun në institucionet kryesore…

Publiée par Xhelal Sveçla sur Dimanche 16 février 2020