Rrihen mes vete 7 persona në Viti, njëri vdes

Një rast i vdekjes është raportuar dje në fshatin Sodovinë e Qerkezve, në Viti.


Sipas policisë pas një mosmarrëveshje rreth një kontesti pronësor, janë rrahur mes veti shtatë të dyshuar meshkuj shqiptarë, me ç’rast njëri ka mbetur i vdekur. Ngjarja ka ndodhur rreth orës 09:28, shkruan Reporteri.net.

“Si pasojë lëndime trupore kanë pësuar të gjithë të dyshuarit, të cilët kanë pranuar trajtim mjekësor ndërsa njëri prej tyre duke mos i përballuar lëndimeve të marra ka ndërruar jetë në QKUK”, tregon raporti i policisë.

Gjashtë të dyshuarit janë arrestuar dhe pas intervistimit me vendim të prokurorit janë dërguar në mbajtje ndërsa trupi i pajetë i viktimës është dërguar në IML për obduksion. /Reporteri.net