Kryeministri i Shqipërisë, Edi Rama, ka tërhequr sërish vëmendjen e mediave italiane dhe ndërkombëtare me sjelljen e tij ndaj kryeministres italiane, Giorgia Meloni, gjatë Konferencës për Rindërtimin e Ukrainës të mbajtur në Romë.

Në pamjet e publikuara në rrjete sociale, Rama shihet duke e përshëndetur Melonin në një mënyrë të veçantë, duke u ulur në gjunjë, gjest ky i bërë edhe më parë.

Menjëherë pas këtij momenti, mes tyre duket se ka pasur një shkëmbim të shkurtër fjalësh teksa pozicionoheshin për fotografinë zyrtare.