Në fshatin Krane në Finiq është hedhur në erë memoriali i nacionalistit grek, Thimio Lolit.

Mësohet se kjo ngjarje ka ndodhur rreth orës 4 e 30 minuta të mëngjesit të sotëm.

Kanë qenë banorët ata që kanë lajmëruar policinë për atë që ka ndodhur.

Ende nuk dihet se kush e ka vendosur lëndë plasëse memorialit.

Po ashtu mësohet se një pjesë e këtij memoriali është dëmtuar.

Shpërthimi i memorialit është bërë me tritol.

Sjellim në kujtesë këtu se nuk është hera e parë që memoriali i nacionalistit grek Thimio Loli hidhet në erë, nga persona ende të paidentifikuar.

Njoftimi i policisë:

Më datë 23.07.2019, në orët e para të mëngjesit në fshatin Krane, Bashkia Finiq dyshohet se është dëmtuar pjesërisht me lëndë plasëse Memoriali i Thimio Lolit. Grupi hetimor po kryen veprimet për identifikimin dhe kapjen e autorëve.