Shënohet një tjetër viktimë në Vlorë nga krimi brenda familjes. Burri ka masakruar gruan pas një konflikti në familje. Ngjarja ka ndodhur në fshatin Babicë mesditën e sotme.

Viktima është Laureta Sulo 44-vjeçe, ndërsa autori është Lavdosh Sulo 56-vjeç. Ngjarja ka ndodhur brenda banesës, ku çifti kishte edhe një servis dhe ku punonin të dy.

Shqiptarja.com siguron fotot e viktimës e të autorit dhe pamjet nga banesa ku ndodhi krimi.

Rreth orës 13:00 pas një konflikti në banesë 56-vjeçari e ka qëlluar disa herë në kokë bashkëshorten me sëpatë dhe thikë në fyt, e cila u dërgua në spital me shpejtësi, por ndërroi jetë në orën 13:30 si pasojë e plagëve të marra.

Ndërsa sipas policisë, 44-vjeçarja është qëlluar me levë. Autori mësohet se e ka lajmëruar vetë policinë pas ngjarjes, ndërsa është arrestuar nga blutë e qytetit të Vlorës.

Çifti Sulo ka dy fëmijë, një djalë dhe një vajzë, ndërsa shkak i konflikteve të shpeshta që çuan deri në vrasjen e gruas nga të dhënat e para mësohet se ka qenë xhelozia.

Lavdosh Sulo dhe Laureta Sulo

Lavdosh Sulo 56-vjeç masakroi gruan Laureta Sulo 44-vjeç me sëpatë dhe thikë duke e vrarë.

Shkak i konfliktit mësohet se ka qenë xhelozia në çift prej kohësh, ndërsa në 2012 autori kishte qenë proceduar për dhunë në familje.