Zëvendëskryeministri i Kosovës, Besnik Tahiri, është shprehur falënderues për punën që po e bëjnë Policia e Kosovës.

Tahiri, përmes një postimi në llogarinë e tij në ‘Facebook’, e ka potencuar angazhimin e forcave të rendit në kohë pandemie, duke shprehur respekt për ta.

“Pas intervistës në edicionin e lajmeve në RTK, u ndala të shpreh falënderimin tim dhe të Qeverisë për punën dhe angazhimin e jashtëzakonshëm që po bën Policia e Kosovës në këtë kohë të rëndë pandemie. Respekt dhe nder të jem në mesin e tyre sonte!”, ka deklaruar ai, duke bashkëngjitur një fotografi të realizuar me anëtarë të PK’së.

Qeveria e Kosovës ka miratuar të enjten masat e reja për parandalimin e përhapjes së COVID-19, të cilat kanë hyrë në fuqi të premten në ora 18:00.