“The Washington Post” raporton për sulmin fizik ndaj gazetarit Visar Duriqi

Gazeta amerikane prestigjioze “The Washington Post”, ka raportuar për sulmin fizik ndaj gazetarit hulumtues dhe autorit të emisionit “InDoks”, Visar Duriqit.


Në raportimin e tyre thuhet se tre persona kanë sulmuar fizikisht një gazetar hulumtues në Kosovë pas paraqitjes në një program televiziv, sulm që u dënuar nga Shoqata e Gazetarëve dhe kryeministri i vendi.

Tutje në reagimin e “The Washington Post” thuhet se “Visar Duriqi, një gazetar shqiptar, puna e të cilit vendos në pah krimin dhe korrupsionin gjatë sulmit iu kishin thyer dhëmbët dhe hundën mbrëmjen e së mërkurës pranë banesës së tij”.

Policia e Kosovës dhe Prokuroria kanë filluar hetimet por deri më tani nuk kanë thënë nëse janë zbuluar motivet e sulmit.

Gjatë paraqitjes së Duriqit në emisionin “Politiko”, dhe analistë të tjerë kanë diskutuar mbi arrestimet e së mërkurës e 12 punonjësve publikë të akuzuar për korrupsion dhe keqpërdorim të pozitës zyrtare.

“Çdo sulm ndaj gazetarëve është kundër lirisë së fjalës dhe demokracisë në vend” thuhet në reagimin e Asociacionit të Gazetarëve.

Kryeministri, Avdullah Hoti e ka quajtur sulmin “të papranueshëm dhe të dënueshëm” dhe se nuk duhet të “tolerohet”.

Po ashtu edhe Zyra e Bashkimit Evropian në Kosovë dënoi sulmin, duke thënë se gazetarët duhet të lejohen të punojnë lirshëm dhe të sigurt.

“Çdo sulm ose kërcënim i bërë kundër gazetarëve është i papranueshëm”, thuhej në reagimin e BE-së.

Krimi dhe korrupsioni mbeten sfidat kryesore për Kosovën, një vend i vogël i Ballkanit Perëndimor që shpalli pavarësinë nga Serbia në 2008, një dekadë pas një lufte brutale 1998-1999.

Lufta përfundoi pasi një fushatë ajrore 78-ditore e NATO-s e cila dëboi trupat serbe dhe një forcë paqeruajtëse u zhvendos brenda.

Marrëdhëniet Kosovë-Serbi mbeten të tensionuara pavarësisht nga negociatat e vazhdueshme të drejtuara nga Bashkimi Evropian për normalizimin e lidhjeve të tyre, përfundon raportimi i gazetës amerikane “The Washington Post”.