Policia e Kosovës ka njoftuar se një person është therur me thikë në sheshin “Xhorxh Bush” në Prishtinë. Rasti ka ndodhur në orën 18:50, raporton gazeta online Reporteri.net.

“Bazuar në të dhënat fillestare në këtë rast nga një mjet i mprehtë është lënduar një person. I njëjti është dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti”, thuhej në njoftimin e Policisë.

Aktualisht në stacion policor po intervistohen dy persona, një dëshmitar dhe një person që dyshohet se është përfshirë në rastin në fjalë.