Zyrtari i PDK-së, Arben Gecaj ka hedhur kritika të shumta në drejtim të sistemit të drejtësisë së Kosovës.

Ai përmes një shkrimi në Facebook ka thënë se prokurori i cili babain e tij ka përndjekur politikisht më 1982, sot është Shef i Prokurorisë Speciale të Republikës së Kosovës.

Ka thënë se ky njeri ka përndjekur me dhjetëra e dhjetëra persona të cilët kishin një kërkesë, atë të Republikës së Kosovës.

Shkrimi i plotë i tij:

Keto dite po flasim te gjithe per sistemin e drejtesise ne Kosove. Dua ta ndaj me ju miq, mosbesimin tim personal me kete sistem!

Prokurori i cili kishe perndjekur babain tim politikisht ne vitin 1982, pra, personi i cili skenarin, montimin dhe zgjerimin e rastit, së bashku me oficeret e sigurimit serb te udb (emrat e njohur per mua dhe familjen) është sot Shefi i Prokurorisë Speciale të Republikës së Kosovës. Unë isha femijë, babai im ishte denuar 12 vite politikisht, pas 8 viteve eshte liruar, ne vitin 1989.

Ky njeri ka perndjekur me dhjetra e dhjetra persona te cilet kishin nje kerkese, nje kerkesë te vetme, atë të Kosovës Republikë. Tani ai eshte Kryeprokuror Special i po asaj Republike!

Në Kosovë është ndërtuar një drejtësi e cila perceptohet si korruptive, abuzuese, diskriminuese e selektive. Tash, askush nuk beson më në askend. Koha e UMNIK-ut kishte kaluar e ne kemi vazhduar me po të njejtit persona e me avaz edhe 10 vite me pas, pra me ata të cilët iu kishin sherbyer me zell serbeve. Thjesht, me persona te cilet i kishin duart me gjak.