Zyrtari i Partisë Socialdemokrate, Nol Nushi, ka kritikuar ministrin në detyrë të Shëndetësisë, Arben Vitia, pasi që ky i fundit nuk po jep dorëheqje për shkak të vdekjes tragjike të 26 vjecarit në Qendrën e Studentëve.

Nushi ka thënë se ai e njeh ministrin Vitia dhe se ai kishte dhënë dorëheqje pas këtij rasti tragjik, mirëpo thotë se një gjë të tillë nuk e lejon ta bëjë kryeministri në detyrë, Albin Kurti.

“Aq sa e njoh unë Arben Vitinë, ai tashmë do të kishte dhënë dorëheqje. Mirëpo, një gjë të tillë nuk e lejon Albin Kurti. Sepse Lëvizja Vetëvendosje udhëhiqet nga vetëm një njeri, pra ai është Albin Kurti. Ashtu edhe brenda qeverisë së tij, Kurti ka dëshiruar që gjithcka cka bëhet aty të pyetet ai”, ka thënë Nushi.