Ditën e sotme (23 qershor 2022), regjisorja Vjosa Berisha ka vdekur në spitalin University College Hospital në Londër.
Lajmin e bëri të ditur bashkëshorti i saj, Fatos Berisha, derisa shkroi se më vonë do jepen detajet e varrimit, shkruan Gazeta Online Reporteri.net.
Tre vite më parë, më 2019, Vjosa Berisha ishte e ftuar në rubrikën “11 pyetjet e Reporterit”, prodhim i Gazetës Online Reporteri.net, e që njëra nga pyetjet kishte të bënte edhe me vdekjen.
“Momenti kur mendoni që keni qenë më afër vdekjes?”, ka qenë njëra nga pyetjet për regjisoren Berisha.
“Nuk e kam menduar asnjëherë momentin, kam kohë, s’jam afër vdekjes, absolutisht, s’kam qenë asnjëherë”, ishte pergjigja me plot dëshirë për jetën e Vjosa Berishës./Reporteri.net/